Eva Amaral
 (2008)  | |
| Biografía | |
|---|---|
| Nacemento | (es) Eva-María Amaral Lallana 4 de agosto de 1972 (52 anos)Zaragoza, España |
| Actividade | |
| Ocupación | cantante, compositora de cancións, guitarrista |
| Período de actividade | 1993 - |
| Membro de | |
| Xénero artístico | Música pop |
| Tesitura | Mezzosoprano |
| Instrumento | Guitarra e voz |
| Compañeiro profesional | Juan Aguirre: Amaral |
| Sitio web | amaral.es |
     | |
Eva María Amaral Lallana, nada en Zaragoza o 4 de agosto de 1972, é unha cantante de música pop, integrante do grupo Amaral.
Traxectoria
[editar | editar a fonte]Dende nova, sempre estivo interesada pola música. Comeza os seus estudos de escultura na Escola de Artes de Zaragoza. Ao mesmo tempo, formaba parte dunha agrupación chamada "Bandera blanca", na que Eva tocaba a batería. Un día, no ano 1993, Eva coincidiu no estudo de gravación, ao cal foi gravar unha maqueta co seu grupo, co guitarrista Juan Aguirre, quen pertencía ao grupo "Días de vino y Rosas". Juan quedou tan impresionado coa asombrosa voz de Eva, que inmediatamente conxeniaron en canto a ideas musicais.
Tempo despois, Eva e Juan decidiron facer a súa propia música. Crear un grupo cun novo estilo de música, que mesturara pop con rock e flamenco. Así foi como xurdiu o dúo Amaral. O nome do grupo foi idea de Juan, quen tomou o apelido de Eva, a pesar de que ela nun principio non o aceptaba. Comezaron tocando en bares e garitos da súa natal Zaragoza e unha vez conquistada a súa terra, xuntaron un grupo de músicos e decidiron probar sorte trasladándose a Madrid en 1997.
Ese mesmo ano, Eva e Juan asinan con Virgin Records para gravar o seu primeiro material discográfico. Así, desde 1998 e até a actualidade, Eva Amaral, xunto a Juan Aguirre, dedicáronse a realizar música. Gravaron 4 discos con grande éxito e un total dun millón e medio de copias vendidas en todo o mundo. Convertéronse nun dos grupos españois de maior éxito dentro e fóra das nosas fronteiras.
En 2002 Lenny Kravitz escolleunos como abreconcertos para varias das súas actuacións. O mesmo ano colaboraron coa causa do Prestige, incluíndo o seu tema Rosa de la Paz nun disco para recadar fondos e interpretándoa nunha multitudinaria manifestación de Nunca Máis en Madrid.
Discografía
[editar | editar a fonte]- Amaral (1998)
- Una pequeña parte del mundo (2000):
- Estrella de mar (2002)
- Pájaros en la cabeza (2005)
- Gato Negro-Dragón Rojo (2008)
- Hacia lo salvaje (2011)
